#NSS家庭
[Guest] 小妹今年中五，之前同阿媽關係唔好，但宜家大個咗明白咗阿媽嘅苦心，所以今年同阿媽關係好咗好多。平時學校開心唔開心嘅嘢都會同佢講，佢又會同我講佢返工嘅嘢。
佢係一個敢愛敢恨嘅人，活在當下係佢嘅人生態度，佢都係一個好獨立、自強嘅人，稱她為女強人也不為過。雖然她都好固執，成日堅持己見，但她從不會做任何唔好、傷天害理嘅事。
今日佢放工返屋企，我好自然咁同佢傾計，佢突然同我講佢最近隻眼睇嘢變得好模糊，連睇巴士都要架巴士來到眼前先睇到係乜車。我好想強裝鎮定咁叫佢去睇醫生，但先啱啱開口眼水就不受控制咁流。
阿媽其實宜家先四廿幾歲，但我一直以來都好唔省心，先會令到佢有咁多白頭髮。阿媽話佢隻眼咁樣已經有一個月時間，我真係好內疚、好慚愧……阿媽，其實我真係好愛你，我希望你健康平安，我會努力讀書、生活，盡量令你唔好再為我操心。