#NSS個人
[GUEST] #長文慎入
唔知admin會唔會po出嚟 純粹發洩下情緒🙈
今日係我十八歲生日 我媽咪本身幫我訂咗一個蛋糕話要幫我慶祝 今日同佢一齊行街嗰時又見到一個蛋糕 雖然貴但都幾靚跟住又買咗 諗住第二日同阿爸一齊慶祝（我阿爸今日因為某啲原因冇得同我慶祝生日）我本身心情都幾好 對生日都有啲期待
行街食完lunch無幾耐媽咪就叫我翻去先 嗌我返屋企溫書 跟住我就心情靚靚咁翻咗屋企 溫咗陣書 仲做咗陣運動
七點左右媽咪帶細路翻咗嚟 仲帶埋佢一個朋友同埋佢一個仔一個女翻嚟 which 係我好唔鍾意嘅三個人 原因太複雜就唔多解釋啦 主要都係覺得佢地成日嚟屋企癡飯 同埋好嘈 重點係阿媽睇落一早就諗住請佢地嚟 而佢亦都好清楚知道我有幾唔鍾意佢地 所以我即刻心情好差 覺得阿媽完全冇諗過我嘅感受 邊有人生日會請自己唔係咁熟又唔鍾意嘅人翻嚟㗎？
之後食飯嗰時 我全程心情都好差 冇好明顯表現出嚟 但都有俾面色阿媽知我唔想同佢地一齊過生日 跟住食完飯之後 我就直接行入房間入面 對生日冇晒期待 自己一個坐喺張床到玩電話
之後我媽個朋友嘅仔不停喺出面話要食蛋糕 跟住又不斷有人嚟轟炸我催我出去點蠟燭 而我就因為覺得好煩同埋冇心情就冇理到佢地 繼續玩電話
之後我阿媽親自嚟叫我 本身我都想好聲好氣同佢講我真係唔想同佢地一齊慶祝生日 但佢頭一句 快啲去啦 點下蠟燭啫 佢地趕住要翻去啦 後一句 你家姐食完蛋糕要去沖涼blablabla 真係我聽完就即刻好煩 同埋覺得好委屈 明明今日係我生日 但又完全唔考慮我嘅感受諗法 咁樣算係咩 我覺得阿媽純粹係將我個生日當係一個同朋友一齊 影相po去社交媒體嘅工具 一啲都唔理解我 我就一時衝動 控制唔到情緒 同阿媽大大聲講 要切蛋糕你地就自己切啦 呢個生日我唔過 之類嘅說話 講完即刻有啲後悔 覺得有啲hurt到阿媽 不知覺咁流晒鼻水喊咗
之後阿媽講咗句咩你諗清楚 你嘅性格決定你嘅命運之類嘅說話 跟住去咗廁所 之後又去咗廳同佢地切蛋糕 冇同我講過嘢 令我仲加嬲嘅係佢地食嘅竟然係我地今日講咗要同阿爸一齊食嘅蛋糕 我又隱隱約約聽到阿媽同佢個朋友講咩買咗兩個蛋糕仲唔知足 自己細個生日完全冇慶祝之類嘅說話 但係我唔開心從來都唔係因為蛋糕有幾多 跟住我就情緒仲加差 覺得阿媽完全唔理解我 喊得仲加犀利（其實之前咁多年生日都係咁 媽咪請晒啲唔算熟嘅姨媽姑姐嚟慶祝 但我都冇講到啲咩 因為我年初三生日 好難請到自己嘅朋友）
越諗越覺得自己委屈 不過慢慢又覺得自己都有做錯 同埋覺得自己十八歲人仲咁唔成熟 成個細路仔咁 對自己好失望 不斷咁質疑同批評咁自己 又唔好意思同人傾 心入面好唔舒服 真係冇諗過生日會變成咁
我到依家都唔知點面對阿媽 冇同佢講過嘢
#sorryfor1999
圖Link: