#NSS社會
[GUEST] NMSL老鐵禾中立有咩問題?
各位好又係小弟我上次打長文嗰個。
sorry又做標題黨，
相信大家都睇到#NSS211107F
唔洗講我睇到大家咁熱烈討論緊係開心到飛起啦。
因為我又又又有機會打篇長文出嚟啟發下大家。
冇錯呢篇又係長文，
講TLDR嘅全部都係ON9。
癈話唔多講直接入正題
1:何為偽中立何為港豬？
-港豬
-偽中立
-歷史與虛假的繁榮
2:反抗者同共產黨冇分別？
-“冇分別”論
-對政治無知的人享有民主？
-敵人、阻礙者、NPC
-“鍵盤戰士”
中立（英語：neutrality），是指不偏袒任何一方，對任何一方不表明任何態度和行為，處在任何對立事物中，任何對立事物不會對中立事物產生相互關係。
在事物的選擇之下，不作出任何選擇，不會任憑自己的思想傾向任何一方。在思想行為上，如果對於事物具有大於並等於二個趨向，根據客觀事實需要，中立不會偏向任何一方，擁有自身獨到思想處於各個事物中間且不干涉不做出任何具有偏向性行為。from wiki
文中提及到中立對任何一方不表明任何態度和行為。
咁問題係你表達出“不耐煩”又或者係“兩邊都唔抵支持”，其實呢啲唔叫中立。因為兩者都對任何一方表達咗自己嘅態度。
因此,恐怕喺世界上根本冇人可以做到絕對中立，因為人類往往都係有情感嘅生物。
首先你覺得政治好麻煩唔想理，你呢啲叫港豬。
不如你去睇下 #nss211021c 呢個post，唔認同嘅同小弟喺下面comment。
其次你覺得“兩邊都唔抵支持”，你呢啲叫偽中立。
以香港嘅情況嚟講，
好多自稱中立嘅人認為示威者太暴力太偏激，係錯。
但係小弟想問，究竟乜嘢係錯？
凡事冇絕對嘅錯。
追究返前因後果，
由2014年嘅傘運至2016年嘅魚革到2019嘅反送中。
就結果論而言，
祟尚“和平理性非暴力”呢個教條主義對於泛民主派定係本土派根本就係冇效益可言。
拉布絕食靜坐入立法會？
足足十幾年，請問香港有普選未？冇。
坐低傾？
當年18學者方案傾完咪又係叫香港人袋住先。
共產黨承諾香港人嘅真普選都係空洞嘅承諾，喺現今情況嚟睇更加係痴人說夢。
當極權唔講道理嘅時候，香港人憑乜嘢要同佢哋講道理？
當極權打壓唔講底線嘅時候，香港人憑乜嘢要保留底線？
當你了解完前因後果之後就會發現香港之前嘅“和平“”和諧”“安定”“民主”衹不過係假像。
而過往有啲販民政棍一直沉醉於呢種假像，口口聲聲話要爭取民主，實情係飽中私囊，利用大眾對政治嘅無知繼續用“議會抗爭”“平反六四”為名從中獲利。
喺2014年佔中，班“左膠”“大中華膠”起大台成立同糾察隊捉鬼阻止群眾增援仲有同班狗點相拉人。
傘運之後，年輕一代開始唔再期望舊有政黨，本土主義開始堀起，而小弟認為本土派正式走入大眾目光嘅時候，正正就係2016年嘅魚革，當然仲有本土民主前線同香港民族黨。
去到2019年，即使香港本土主義興起，仍然不乏捉鬼L民意L左膠，不過整體上有更多香港人認同武力抗爭嘅必要性。
(講咁多歷史嘢，無非係想各位做好自己先，修文集武，等待機會。)
。。。。。。。。。。。。。。。。
“屠龍者終成惡龍”
“與怪獸搏鬥時，要小心自己也變成怪獸”
“咁做同共產黨有咩分別？”
呢啲根本就係錯誤比喻，用啲根本唔現實嘅比喻去論證。
話照咁嘅邏輯，咁係咪小弟我同極權搏鬥時，要小心自己變成極權？反抗者同極權搏鬥嗰陣又何來有權力可以變成極權？
如果香港人可以同政權一樣咁打壓政權，香港就唔會搞到咁啦。
用同樣嘅道德標準去對待極權同反抗者根本就係偏頗極權，無視邊一方先係弱勢。
仲有你又點知香港人得勢之後會打壓所謂“異己”？“X曾經做過同Y一樣嘅事A，所以X之後一定會做A，所以 X=Y”呢啲咪典型嘅滑坡謬誤。
況且所謂“異己”係極權支持者又或者係偽中立L又或者係港豬？
一班唔理解政治局勢嘅政治BB豬？
再者既然佢哋嘅選擇係忽視政治，咁佢哋根本冇資格享有所謂“民主”，因為“民主”講緊嘅係主權在民，當佢哋主動放棄政治權力甚至係冇正視過政治問題，冇履行過民主社會下嘅公民責任。
咁即使香港未來有民主，可以真正摧毀到民主嘅唔係乜嘢激進反抗者又或者係唔存在嘅“黃衛兵”“黃納粹”，而係一班追求心理娛樂思想快感嘅港豬同用自身角度了解局勢嘅偽中立L。
而要爭取到民主，包容敵人同障礙者絕對唔係一個好方法。
你要你嘅和平大愛唔係問題，不過等香港成功光復到先，因為香港人冇本錢亦冇資格包容又或者係同情。
難聽啲講句，同情包容呢啲情感係勝利者先值得擁有。
可能你會話邊個可以定義敵人阻礙者？咁你嘅反對者都係啦。
好簡單，
敵人係有意圖同協助攻擊同打壓我方。
例如港共政權，狗隻，政權或狗支持者。
阻礙者係對達成“目標”嘅過程中有負面影響，甚至係加以阻撓。
例如民意四眼仔，左膠，黎生
咁港豬同偽中立L呢?
佢哋乜嘢都唔係，對達成“目標”嘅過程中佢哋選擇忽視或冷嘲熱諷。
衹不過係放棄選擇政治定位嘅權利嘅“愚民”同“局內旁觀者”，屬於呢場權力鬥爭嘅NPC，任由自己嘅命運受其他影響。佢哋衹會批評雙方各大五十大板，之後繼續馬照跑舞照跳，冇意圖提出實際方法解決問題。
所以小弟認為呢啲人對抗爭者嘅影響限於網上留言，各位無需太上心。
不過小弟我係一個好無聊嘅人。
間唔中做下鍵盤戰士同佢哋嘈。
講到所謂“鍵盤戰士”“連登仔”
其實咪又係人一個，
大家成日用“鍵盤戰士”“連登仔”去批判佢哋嘅身份，直接無視佢哋嘅論點。
作為一個“鍵盤戰士”，小弟覺得呢啲標籤係以偏概全，例如大家攞連登波台玩膠痴線佬嘅comment當做全連登user嘅諗法(利申 CDROM)。
其實發言者嘅身份係同佢言論嘅邏輯冇直接關係。所以小弟希望各位思考下。
講返港豬同偽中立L，
佢哋同成日喺到話啲人太偏激同共產黨冇分別(唔係9up真係有好多人咁講)衹不過係接受唔到其他人嘅批評，再將批評者標籤為“黃衛兵”“黃納粹”。
不過因為小弟唔屬於呢啲政治光譜所以小弟唔會泃泥於呢啲過時嘅標籤。
容小弟用自己感性去講幾句:
笑死人咩我喺網上講你幾句就話人迫你認同，人哋紅衛兵納粹處於有權力嘅情況下先可以迫人認同，我何得何能同佢哋比較？我同你哋嘈係因為我無聊咋，再者我根本冇打算改變你哋嘅諗法，因為要醒嘅已經醒咗，瞓緊嘅亦唔會醒。
如果佢哋話“同共產黨冇分別”，小弟我可以話佢哋“同小粉紅冇分別一樣玻璃心”“同港共政權冇分別一樣唔肯承認自己嘅過失”。
小弟認為用呢種“同XX冇分別”語句嚟批評根本冇意義，因為世界上冇人可以有相同嘅思維相同嘅處境相同嘅遭遇相同嘅目的相同嘅出發點。
。。。。。。。。。。。。。。。。
小弟在此聲明，用武力抗爭意味著對方會用武力對付返你。你試圖殺死對方嗰陣代表你有畀對方反殺嘅覺悟。絕對要付上血淋淋嘅代價。同時，民主絕對唔係從天而降，係要用血同汗換返嚟，喺歷史上已經有好多例子。而喺香港呢個情況，香港人需要付出更多。即使係咁，大家仲願唔願意救返香港？
完。
小弟其實真係一個好無聊嘅人，竟然可以嘥幾日打咁長嘅文。簡直係無聊界領主。
不過某程度上打長文算係小弟解壓嘅方式之一。
btw希望admin可以po ig俾小弟食下花生。
最後最後，其實小弟唔係要大家絕對認呢篇文之後話呢篇文好高質之類。唔係，反而小弟希望大家可以發表下自己意見，指出篇文嘅不足之處。
其實小弟一直認為自己冇足夠資訊去判斷所有事。
原本有啲point看似有道理，其實衹不過係自己嘅一廂情願。
無論係你定係我定係其他人
都應該反思自我。
所以。。
真係完。。。