#NSS愛情
[Ttca] 愛情到底係咩 本人16歲 男 鐘意咗一個女仔一年多 真係好想同佢一齊認真拍拖 係每一件有關佢嘅事我都超級用心 小心翼翼 我永遠都支持喺佢嗰邊 我為佢改變咗好多 我真係已經盡全力 但係我完全冇身份去管佢更加冇身份呷醋 特別係佢有幾個男閨蜜 真係好辛苦睇住佢同其他男仔玩得咁開心 我好唔捨得唔想放棄但係同時又好辛苦 兩年前我睇住一個師兄好似我依家咁我覺得佢好on9但係原來愛一個人嘅時候真係會咁樣 我當時第一次睇到一個男仔因為女仔而喊 我嗰陣覺得佢好脆弱 點知兩年後自己都係咁 師兄佢為咗嗰個女仔拒絕過好多追佢嘅女仔 我親眼睇住師兄佢捱咗兩年半 最尾佢唔再相信愛情亦都變得好靜 我好好奇點解嗰個女仔寧願同其他男仔玩而迫走師兄 女仔唔係應該會鐘意啲對佢專一 擺佢喺第一位 做咩都會諗起你 好關心你開唔開心嘅男仔？我可以做啲咩唔會好似師兄嘅下場 我又唔想放棄鍾意佢但係冇身份嘅呷醋又令我好難受