#NSS學校
[Guest] 純發洩
開咗學已經三個月，我個班仲有人成日唔記得我叫咩名⋯
講返少少背景先，小妹今年F4，對於今年嗰班都算係比較陌生，因為有好多同學都係第一年同我同班。事源係有位同學(佢今年都係第一年同我同班嘅)成日唔記得我叫咩名，初中嘅時候都有喺學校見面，都有傾過幾句咁，仲有互fol IG。
佢第一次問xxx(我個名)係邊位呀，嗰時都冇乜嘢，咁始終第一次同班係要啲時間認啲同學叫咩名㗎啦。第二次我都算，但係第三次，我開始接受唔到，佢幫老師手派嘢(搭嘢順晒學號，嗰陣時又係考試，又係順學號坐，咁你照直派都得㗎啦)佢仲夠膽死企喺我面前問我係邊位，嗰吓真係好無言👏🏻
我以為佢經過呢次會好好記住吖，點知到咗今日，佢又幫手派野，又再問阿sir同同學嗰個xxx(我)係邊個。
其實佢本身唔記得唔係問題，可能我個名比較難記？其實我都唔mind。第一第二次唔記得我都算，問題係而家開咗學都三個月啦，冇理由都唔好好記住㗎。
再延伸落去嘅係，佢成日唔記得我係邊個，搞到我自己都覺得我存在感好低，其實我今年已經好努力改善緊我自己，多啲主動同同學傾偈，其實點解我會有咁嘅改變呢？係因為我覺得初中嘅時候我太靜，但係我本身唔係一個好靜嘅人，點解我會喺同學面前特別靜？係因為以前小學好多同學覺得我好煩，所以中學決定成為一個靜啲嘅人！
但係問題嚟啦，靜啲人又覺得你奇特，多嘢講又俾人覺得煩，既然兩邊都行唔通不如索性諗吓自己有咩地方可以改善下(慶幸嘅係我今年可以取到個平衡點喺呢方面)，唔知係佢真係冇心記，定係佢唔想記，定係我存在感依然咁低，真心我自己未遇過一個同學可以開咗學咁耐都唔記得人哋叫咩名，仲要企喺人哋面前問！
麻煩admin幫我po上IG，thx🙇🏻♀️