#NSS學業
[GUEST] 阿媽覺得我有玩就係冇努力。話說小妹今年F1最近考試成績好差，雖然都合格升到班但完全唔高分。但我真係唔覺得遺憾，傷心係有嘅，但開心滿足絕對多過傷心。點解？因為我有努力。
考試期間我係冇用過ig、yt..任何娛樂app都冇。我好肯定我每日用手機時間少過15分鐘。我日日都溫超過10個鐘。雖然成績差，但我因為個過程而感到滿足，我第一次溫得咁癲，亦都體會到讀書嘅快樂。
當我開心果幾秒，惡夢來了。我阿媽認為我冇努力，因為我本身其實F1上學期hea讀、打機，我好後悔好後悔。hea讀，唔溫書已經成為左我阿媽對我嘅印象。佢亦都只係睇結果，咁啱我考試期間佢要住院，所以佢見唔到我有幾努力。真係咁啱得咁橋:)
我嘅所有努力比佢否定曬。因為我之前玩太多佢而家就覺得係我打機同睇動漫問題，佢覺得我唔玩唔掂手機就可以科科100分。我同佢講過放棄到打機但放棄唔到動漫（超堅定）。但佢都係覺得唔戒就乜都唔得，唔戒我人生就失敗。以死黎威脅過我要戒
我已經好後悔真心知錯自己上學期hea讀
大家可唔可以比d意見我說服到阿媽？🙏
p.s放棄唔到動漫呢句我覺得係我講過最型嘅一句xd