#NSS文化
[Guest] (標題)點解無人肯用/開發粵拼？而用倉頡？
真心其實好易學，基本上識得讀個字出嚟就打到，而且平時都唔需要用聲調，啱曬香港人唔理聲調嘅習慣。
如果有Google/Apple嗰啲公司搞大個詞庫去，就簡直無敵，咩日常用語都可以唔駛特別學就打到。
對比起倉頡速成嗰啲反人類嘅〝字碼表〞，你識得用英文鍵盤就立即學到，而唔係要記26個基礎加101個輔助字形啊。
你幾時覺得101個〝字母〞係正常㗎大佬。
所以話我真係想知點解無多啲人肯用粵拼…最撚諷刺嘅係我有個frd係黃到黃衛軍嗰隻，佢係我教佢用粵拼之前竟然係用緊普通話拼音啊，就係因爲倉頡實在係太反人類，而粵拼又無人知點Down啊。
唔係話要保護廣東話文化㗎咩？用繁體字就當係？
究竟點解粵拼要咁折墮啊啊啊啊