#NSS個人
[GUEST] 望admin po ig thanks
先講下背景 中六女 就黎17
啱啱食飯俾親戚又氹又呃又金錢利誘又激將法咁催針
我已經表明除非唔打唔俾返學 如果唔係唔會打
佢地都仲係催我去 講到乜乜乜親戚打完燒完就冇事咁
ok其實我都唔係想同林鄭作對 只係支針咁多副作用點敢打
台灣嗰邊有班人都話打完復必泰黎m會比平時更痛
我平時係第一日一定會痛到淨係可以瞓喺度 完全集中唔到出唔到街嘅人
再痛啲唔知點算 更加唔知會影響幾耐
港大都有話復必泰打完落白老鼠度心臟有白點 心肌有事嗰啲
雖然自己冇先天心臟疾病 但自問唔係健康嘅人
加上咁多人打緊嗰陣有失誤 打完又插返落去 連打兩次都有
哇叫曬啲唔知邊度黎嘅人去應付龐大嘅接種人數
間間小學年年都有人打預防針都冇聽過有事
但喺班親戚面前冇理由話我怕m痛唔打架（主要係怕m痛）
成日叫我唔好有僥倖心理覺得做錯事會捉唔到
而家推我去打針搏我唔係出事嗰個就唔係僥倖心理啦咩？
又話係我群埋啲唔打針嘅人先唔打針
用下腦啦 林鄭催針大台點敢報副作用 咪即係倒自己米
已經唔知要點同佢地講 怕再反抗落去就真係連飯錢都cut曬
有冇人有啲有用嘅意見 或者辟下謠 其實唔會m痛 心肌唔會有事
相信政府就發大財之類嘅野
唔好提咩離家出走 好唔現實
怕死 唔會寧死不屈 而且有重要嘅人唔死得
多謝你睇到呢度