#NSS個人
[相信大家都知我係邊個] 相信大家都知我係邊個，如有興趣請睇返 #NSS210601C 主要想答返大家少少問題🙏🙏
如果大家有興趣，可能遲啲會分享下前轉。(好長…敬請見諒-_-|||)
第一條問題:同性戀有咩問題或者點解我咁驚同性戀? 首先想講返，我唔係驚同性戀，我係唔想畀屋企人知我係同性戀。係咁嘅，屋企人睇到大叔的愛嘅預告，就差唔多鬧咗同性戀成日。就係因為咁樣我想投稿而得到多啲人嘅認同。藉著今次去多謝大家支持我🙏😢 我個人認為同性戀絕對冇問題，只係唔想俾屋企人知得太多而搞到反曬面就唔好啦…….
第二個問題: 點解三月表白6月先投稿? 其實大家要明白，ㄧ個膽小嘅人攞出勇氣表完白之後要平復下。 加上起一個公開平台，我知道佢一個聰明人，好快會知道我係邊個，甚至同學都會知道。怕醜嘅我需要鼓起好大勇氣去投稿， 請大家見諒🙏。
第三條問題: 點解開學鍾意3月先至表白? 請問各位有冇表白嘅感受? 如果有嘅話，我相信你會明白嗰種緊張，同埋好驚有壞結果嘅心情。 話曬第一次表白，對方仲要係同性。如果你本身係異性戀都會嚇親啦… 所以嗰陣時係咁喺度等，等等下就3月🌚🌚 都想鼓勵一啲暗戀別人嘅人，如果唔係就有遺憾㗎啦，勇敢去追!!!
最後一條: 我有冇鍾意個男仔? 呢個問題我自己都有諗過，但我暫時100%肯定嘅係冇。身邊ㄧ啲朋友都會話暗戀邊個男仔，甚至話一啲師兄好靚仔但係我完全冇感覺。我唔知我淨係對嗰啲男仔冇感覺定係真係同性戀，即使係一啲歌手或者明星我都唔會話有啲咩感覺，朋友可能阿邊個邊個我老公，我想講我得幾個女神💕💕
仍然尋找緊自己人生嘅路，各位要勇敢，唔好畀人生留遺憾，Ga Yau! 感謝睇到呢度嘅各位😬😬