#NSS學校
[GUEST] 小弟我係一個初中生，我直接開門見山講，我係同性戀，屋企人同同學都知。本身冇乜問題，但係直至之前返學嘅時候，咁我哋呢啲13、14歲嘅年紀想拍拖好正常姐，而我都有個男朋友。我之前有一次拖住我男朋友返學，因為佢話想陪我耐啲，咁我緊係應承啦。我哋已經唔係放閃，純拖手，嘴都冇錫一啖。點知比我學校老師撞見，之後就捉咗我去訓話，又話要同家長講。其實我想講人人都知，屋企人都知，咁我做錯啲乜？佢仲話我性取向有問題，其實嗰陣我心唸對我嚟講你哋男女關係我都覺得唔正常，但係我唔會出聲囉⋯⋯而家個老師成日針住我好煩，但係其他同學都冇出聲。其實老一輩可唔可以思想開放少少？