#NSS愛情
[Guest] 真係好嬲
有問題嗰個真係我咩？
呢篇文我會將啲人叫
我個friend女仔（a) 我ex (b) 我ex frd (c)
第一次投稿可能有啲亂，唔好意思，同有啲長。
大概上兩個月，我同(b)分咗手，當初可能係我衰嘅，為拍而拍之後同（b)一齊咗，(b)除咗身高之外真係其實冇嘢可以吸引到我，同(b)出街次次睇戲(b)都會借啲意摸我，係真係摸胸同下面，(b)本身話只係吱我，但係其實我已經好抗拒已經推開左(b)幾次，(b)都仲要繼續其實我已經好嬲好唔鍾意，然後次次(b)出街都好似唔識戴口罩咁樣，每次都帶嗰個好細嘅黑色口罩但係(b)成日嗰個口罩都會甩出嚟，淨係冚到個口，我覺得好唔衛生+好核突已經提咗（b)幾次，佢去戲院其實都好多人，（b)係直接除成個口罩，已經俾人話咗，嗰陣已經搞到我好尷尬，同人講返唔好意思。之後其實純粹係呢啲原因我就同（b)分咗手。
咁之後大概過咗一個月之後(b)就同左(a)一齊，我冇咩感覺嘅。
然後（c)呢個人點解我又會講佢出嚟呢，係因為上一兩個月左右我同（a)分咗手之後，（c)就搵我傾偈，咁我本身覺得冇乜嘢傾偈啫，但係（c)佢一直係咁講句自己有幾慘，例如俾人欺凌比屋企人打，咁我就覺得（c)可憐同情佢，所以起初我都會聽佢發洩氹佢開心，但係後來我唔知係咪因為我變咗（c)嘅傾訴對象，（c)就開始日日夜夜搵我傾偈，之後佢搞到啲對話好曖昧，但我其實唔鍾意（c)純粹覺得佢可憐先同佢傾，然後（c)佢成個人其實好似有精神分裂咁，情緒起伏太大，有時講嗰啲嘢好奇怪，例如一時就話你唔理我？之後打一大段字就話我嘅遺言完畢..，我真係唔知講咩好，之後嗰一陣（c)同我講我要甜爆你，冧你個心…之後我就覺得（c)好恐怖就block 咗佢。
然後重點黎啦，前嗰三四日（c)用細Account 搵我，（c)佢居然佢都話我當佢備胎..我嗰陣冇理到覺得冇乜嘢嘅，純粹少少嬲，然後仲犀利，（c)突然間有一個有10,000 follow嘅帳戶淨係fol 我一個..咁我就當然覺得好奇啦，問（c)邊個？然後我以為係啲乜嘢急事俾咗我電話號碼（c)之後佢就開始搵我，本身我同佢道歉返我之前因為俾（c)嚇親所以封鎖咗佢，但係呢前面我咪講（c)鬧我，話我當佢備胎嘅，但係呢（c)而家又話呢段時間冇咗你真係好唔習慣我仲好愛你..我都真係唔知點。然後歷史又重演（c)開始係咁搵我傾偈，我同佢講咗我唔想搞到個關係咁奇怪咁曖昧，講返一啲正常嘢得唔得，但係呢佢唔單止冇改，仲要係咁叫我send kiss俾佢，之後佢開始得寸進尺，比之前仲煩一直係咁搵我WhatsApp我冇覆（c)佢就ig 搵我 ,用唔同Account..然後我就真係嬲，我就鬧（c)叫佢可唔可以唔好咁變態係咁搵我，同我都講得好清楚唔想搞到咁曖昧…大概係咁樣，因為我真係好嬲。
然後仲未完，(c)居然搵（b)講我壞話，係咁話我，我嗰陣已經嬲，然後（b)就話我喺度扮無辜，扮可憐，仲話（b)都唔會話我對(b)做過啲乜（但係其實我又唔係對佢唔好，我本身自己冇乜錢買唔到名牌，係佢生日嗰陣我見佢個銀包都好似有啲殘，我就自己手整一個，整左差唔多三日真係手痛，之後買咗一對細牌嘅戒指俾佢做生日禮物），果下真係激到我喊出嚟，完全唔理解佢想講乜嘢，我都未話（b)之前一直係咁侵犯我身體，份人真係好變態。然後我覺得淨係自己嬲冇乜用，我直頭係WhatsApp同（b)講清楚，叫佢改一改份人，對（a)好啲，我話唔想仲有另外一個女仔好似我咁樣，有一個好似（b)咁衰嘅男朋友。
我想講嘅係咁多，但我唔係扮無辜，我係真係乜嘢都冇做過，出軌收兵都冇。