#NSS社會
[某九龍塘區女校] 大家好，我係一個09年出世嘅香港人。
我唔會講普通話、打簡體字，我亦唔會打王者榮耀，玩抖音。我係一個喺香港土生土長嘅香港人。
今日打呢篇文係想幫同我同齡嘅人發聲，同埋講吓我對社會事件嘅感受。
我仲記得2019年6月，我去咗遊行。當時有一個姐姐同我講：「到你大個你就會覺得，今日所做嘅嘢係值得嘅。」又有個哥哥，喺我後面拎住風扇幫我散熱，當時我唔識反應，但而家我想同嗰個姐姐同嗰個哥哥講，多謝你哋。
香港人真係好有愛。
有一次，我阿爸問我：「會唔會想移民？」
「 唔會！」我嘅答覆係幾咁堅定。
//
自從社會事件之後，香港再唔係香港。喺有越黎越多義士犧牲之祭，香港政府反而越黎越無恥。
每一次諗起，我都眼濕濕。
//
我，可能好天真，咩都唔識。但係我絕對接受唔到俾人話我係大陸人，話我冇良知，話我冇前途。
我呢啲年紀嘅人，可能有一部份係已被「洗腦」，但有良知，清醒嘅人絕對唔少。
我哋可能做唔到啲咩，但起碼我哋會捍衛廣東話，會認清事實。
我哋絕對唔渺小，亦都唔應該被大家標籤。
所以，希望大家唔好再標籤我哋。
多謝你睇到呢度。
香港人加油！堅持！
小妹文筆唔好請見諒🥺
sor for 1999
admin辛苦晒pls po ig唔該晒🤍