#NSS個人
[GUEST] 12號晚帶住部相機諗住去卑路乍灣海濱chill下街拍，一開始喺嗰度亂咁影相，影下路人又影下人踩滑板。跟住有兩個女仔，我就諗住隨手拍下，其實我望住佢哋唔係拍左好多張，三張左右啦。但有其中一張真係好神奇！！
有個女仔側身望左我一下個鏡頭，有啲似暮然回首，我又咁啱有撳到快門！！
跟住個pose仲要係超級無敵完美，除左暮然回首，仲要咁啱撥頭髮！！
個場景位置又係完美！！佢隔離就係盞燈，都叫做有個小光源喺度
iso 快門 構圖仲要都ok合理，又對到焦
成張相除左背景有啲多人同雜亂，根本就冇得輸！！
簡單啲嚟講就係，呢張相比人睇 淨係咁啱得咁橋應該冇人信。
本身我一開始影嗰陣時我唔知道有對到眼，我都咁啱冇睇到嗰張相整體係點，純粹撳完快門之後又周圍睇下有冇嘢影。之後再check返張相
嘩屌
先發覺原來好似都幾完美，有咁多元素嘅巧合，好似係天時地利人和咁
我再行返轉頭去嗰個位置，已經完全唔見人
跟住我兜兜轉轉喺嗰個海濱行左十幾次😂諗住睇下見唔見得返同繼續街拍
但真心我影左成晚300幾400張，呢張相真係最surprise 最滿意 最深刻
可能旁人睇唔明白我點解咁開心，但作為拍攝者，明明畫面元素全部都係巧合，甚至可以話係隨手影，但個構圖+pose又係合理嘅，個位置又好似度好曬咁，成件事係超級無敵自然！！我睇番都覺得點解我可以咁啱影到咁嘅相，明明真係隨手拍，真係勁興奮
真係想搵返個女仔😂😂比番幅相佢
同埋經過呢張相，我真係完全明白點解攝影有時候可以咁令人興奮，可能旁人睇落覺得冇乜嘢，但作為攝影者影到呢啲咁鬼巧合嘅瞬間，真係好開心同興奮😂😂