#NSS學校
[GUEST] 之前見到有人分享欺凌嘅事，我都想分享下
小弟今年中二，2020年11月左右，就有同學上堂嗰陣玩電話，仲要將幅圖send咗相IG。放咗學之後，就有個同學（冇人知係邊個）cap圖同老師舉報，下一日當然個老師就捉咗嗰幾個玩電話嘅同學去罰（罰咗啲咩我就唔知）小弟就冇乜朋友，一個邊緣人嚟嘅。
跟住返到屋企之後，突然有個好朋友就打電話俾我，同我講啲同學開咗個WhatsApp group鬧我，話我係XX（粗口）仲話要下一日返學打我。但係明明我乜都冇做過，點解會無端端俾人屈我係舉報嗰個？成件事好匪夷所思。跟住啲同學全部都係IG同Facebook度Unfriend或姐block我。
好彩，有個同學講千祈唔好打人，因為打人係會留低證據，咁嘅話就會比老師發現。結果佢哋全部都唔理我，直到而家。
所以真係唔好睇小謠言嘅威力，佢係可以令到你俾全班欺凌。