#NSS其他
[GUEST] 小弟係一個鐵路迷，早牌有個鐵膠知法犯法走咗過去羅湖站，仲搞到上新聞。結果啲同學就攞住份新聞就話我係啲犯法嘅人，跟住啲同學就開始歧視我，話鐵路迷係啲犯法嘅人，千祈唔好同佢哋玩。我心諗，我都冇擅闖禁區，犯咩法姐？跟住想同佢哋解釋，不過佢哋話我啲解釋全部都係藉口，仲話鐵路迷冇一個係正常人。
聽完之後，我真係好嬲，明明係一個冇腦鐵膠犯法走上羅湖，結果就累到我哋班鐵路迷嘅聲譽受損。我真係希望大家知道，鐵路迷都係一個正常人；鐵膠先唔係正常。就係佢哋班鐵膠影衰晒我哋啲鐵路迷。不過可惜嘅就係，依家啲人就一致認為我哋鐵路迷係有問題，有病嘅。我真係希望大家明辨是非，懂得分別鐵路迷同鐵膠。
圖Link: https://ibb.co/qCqr4zH