小妹今年f4，我地學校好著重phy chem bio，理科競爭好大，差唔多每年f3都要篩選揀人。
咁我以前成績好差，全級中下嗰啲，去到f3先發力爆咗上去中上。f3揀科嗰陣，我查過大學想揀嗰科一定要修chem同bio，咁我就諗住揀呢兩科啦。結果有一日，個chem miss同我講，以我f3呢個成績，最好唔好揀chem，話我唔啱讀（全班一半以上攞滿分，我得80幾）。最後我-6讀到chem，但成績係最差嗰個。
去到f4，好死唔死撞正f3個chem miss教。我背嘢ok，但理解真係有啲差，讀得都幾辛苦下。然後exam/test一唔合格，個miss就會搵我傾計。可能因為我係女仔，佢冇鬧我，但講嘅每句野意思都係叫我趁早drop咗佢。佢同班主任傾過，又經常打電話俾我阿爸阿媽。結果就係朝早聽佢講完一轉，晏晝就到班主任又講一轉，返到屋企連阿爸阿媽都喺度講，搞到我真係好大壓力，差唔多日日都自己匿埋喊，見到chem就好驚好想嘔。
我知佢係想做靚dse個數據，但佢講啲嘢真係好hurt，叫我唔好浪費時間，又話我唔會讀得好。我學嘢就係比其他人慢，人地上堂聽一次就明，我要溫過，test過，再溫先明。
有冇咩辦法可以讀好chem，或者chem應該點讀先啱？🙏🏻同埋有冇咩辦法可以冇咁大壓力？🙏🏻依家好似全世界都反對我讀落去咁，我唔知點算😭但我知我唔drop得，我想讀好佢，就算最後攞個lv2我都唔會想drop。
sorry for1999