少數族裔都係香港既一部份，可唔可以唔好再歧視佢地？
話說我果間學校都有唔少東南亞籍學生讀書，唔知係咪好多香港人好少同佢地相處，每次我同佢地係條街行果陣時總見到某d人會眼望望咁望住我地。
有一次仲過分，有個人無啦啦同我講：「哇，你同啊差一齊行啊？」仲好大聲咁講，我個friend聽完當冇嘢，但我覺得如果要為不公義既事沈默佢地只會變本加厲，咁我即場大大聲屌9條友，條友仲係眼望望然後扮唔知走左去
雖然南亞人係好多新聞報導中一直形象唔好，但唔代表個個人都係咁，佢地識講廣東話、識睇中文甚至深入了解香港文化，並唔似果班完全唔識尊重人既垃圾，咩年代啊？仲要種族歧視？唔好以為你鬧緊佢地佢地就聽唔明，只係冇當面屌你咁解
香港人唔好再睇低少數族裔人士啦，香港之所以係香港係因為香港係多元文化組成既社會啊，少左佢地咁同大陸既城市有乜分別？