小弟識咗一個女仔大約一個月左右，咁其實佢係我前女友嘅前閨蜜，我五日之前同佢表白，咁佢就話勉強應承，佢話對我係好感唔係鍾意。咁大約星期二左右，我兄弟就問嗰個女仔係咪真係鍾意我，佢都係話對我係好感唔係鍾意，但係到咗琴日我兄弟再問佢嘅時候，佢就話鍾意咗我。我哋一齊之後每日都會講下野、玩下遊戲，有時仲會放吓閃。咁佢之前動態都係po同男仔傾電話嘅相，同佢一齊之後左基本上都係po同女仔傾電話嘅相，但係今日佢個動態又po返同男仔講嘢嘅相，不過嗰個男仔只係叫佢花名，咁動態佢只係講佢幾時有呢個花名咁樣，問佢嗰個人係邊個佢就話係朋友。我應該點算好…？