#NSS愛情
[GUEST] 大家好，小弟先喺呢度祝大家2022年快樂。
我唔肯定自己係咪bi。
事緣我同A(男)係小學同學，同班六年，就好friend，今年我哋兩個都係F3，就喺舊年我開始對佢有唔一樣嘅感覺。
首先，我每日都會同佢一齊放學，搭巴士嘅時候就通常打機la，而我通常睇佢打。我突然鍾意搭佢膊頭，與其話搭膊頭，比較似想攬住佢，而且同佢一齊嘅時候，有一種講唔出來嘅感覺。而我有時都想掂吓佢(抽水？)。而且有時見佢同佢啲friend玩嘅時候，心入面好似有d唔舒服(呷醋？)。
第二，升上中學就自然有新friend啦，咁我就識咗B(女)，我哋係F1迎新營識嘅，而且打嘅機又一樣，所以好快就熟咗，並且我哋都識咗d網友(大部分有出過來見面)。由舊年開始，就一直有幾個網友話我同B好襯，但我都當佢哋只喺講笑，一笑置之。但係6月嘅時候事情發生咗變化，佢另一個ig acc向人表白(應該)，而且描述嘅事情同我一模一樣。直至到琴日，佢又po咗d嘢(可以話表白？)，之後我去同個friend(網友)傾，佢話佢一早知B鍾意我，我亦承認對B有好感。
但問題來啦，我又唔知係咪鍾意A(我本人覺得係，亦做過網上d性向測試，結果偏向同性戀)，但又對B有好感，我想問吓大家意見咁我到底係咪bi？
sor for 1999,admin pls po ig
(呢篇嘢全為真人真事)
(投稿時間：2021/12/31 23:59 祝大家新年快樂 香港人加油)