#NSS學校
[GUEST] 希望admin 可以po ig，麻煩晒🙆🏻♀️
我想同大家講吓我個數學老師。最初識佢都冇乜嘢，但自從佢開始教我，我就越嚟越憎佢。
佢每日會比好多功課我地，當然，想成績好就要多做題目，我係明白嘅，但係最令我不解嘅係佢見我有人冇交功課嗰陣嘅態度。有一次，我早退冇上數學堂，所以唔知有咩功課。結果第二日我翻到去，佢話要check 功課，跟住我就同佢講「我琴日早退，唔知道有咩功課，所以冇做」，結果佢就咁講「早退同冇翻學唔係唔交功課嘅藉口，依家嘅科技咁方便，唔知有咩功課咪問同學囉，你唔翻唔會令到你交唔到功課㗎」咁佢都講咁樣，我都冇咩好駁。但係，呢度都只係啱啱開始。
過咗冇耐，就考完試派卷。咁人唔係完美，總有失手嘅時候，當然都可以話懶溫唔夠書，我本身都預咗比佢話我成績差咗。佢最後當然有話我啦，仲要係當住全班。佢派完卷之後，就話對我地嘅成績好失望。跟住佢就開始罵地，佢當住全班罵咗我個同學，話佢係全班退步最多，但係當佢見到我嘅成績嗰陣，佢對住全班大聲咁講「原來有人仲低過你，X（我個名）退步得仲多，佢嘅SD係-1.2」因為佢咁講，冚班都知我考好低分，但係佢仲要加多句「你英文唔係好好㗎咩，應該唔會睇唔明份卷㗎」。其實佢唔係第一次將同學啲分咁樣講出黎，佢甚至會成日話佢對唔同人有唔同標準，然後會講啲同學嘅名出嚟話呢啲人就算拎30分佢都唔會嬲，其實我想講真係會好打擊人地嘅自信心。
但係佢啲上堂規則真係好犯眾憎。有啲老師總係口水多過茶，打咗鐘都會繼續講，結果就令到下一堂個老師冇咗幾分鐘時間。佢係其中一個，都只有佢一個覺得唔公平，於是佢就對住全班講「以後全班遲幾多分鐘入班房，呢堂就遲幾多分鐘落堂。」「比着第二個老師都會覺得唔公平」「如果以後打鐘但上一堂個老師仲未講完，你就要即刻㩒停佢，佢問點解你就話因為要上下一堂」。就係因為佢啲咁嘅奇怪規則，我地嘅小息成日都比佢食咗（利申我地冇遲佢都會用我地小息時，佢甚至諗得出用佢嘅堂講書，用小息小測呢啲屎橋）
後來因為武肺，全港停課，咁我地就開始咗teams 啦。學生都鐘意轉堂去放水㗎啦，咁等齊人點都要～5分鐘，跟住佢就成日話我地過咗好耐先入。過咗一個禮拜，佢就話「以後上一堂完咗1分鐘之內要入到嚟，如果唔係就當遲到」係後來我地同佢講話有網絡問題等嘅因素先至放寬到5分鐘。
咁轉咗網課，我地嘅功課就變咗交落google classroom 。咁佢就真係好6uo，比份功課我地做，份功課就google form 嚟嘅，本身諗住喺嗰度交咗就算，點知佢第二日就話好多人冇交功課，要記名一次。但係好多人都話自己有交，佢就話「google classroom 冇你地交咗嘅紀錄」。完來佢根本就冇check 過google form，然後就話我地錯，重點係同樣嘅事直到依家都仲發生緊。
佢仲會成日利用職權大我地。基本上，通告冇嘅補課等活動係唔可以因同學缺席而記缺點，而網課期間嘅補課冇出過通告，所以有人會唔去。對於嗰啲唔去嘅人，佢就成日話唔去嘅人要記缺點。同樣地，欠交5份功課先記缺點，但係人地拖一、兩日佢就講記缺點。所以你個缺點唔係用嚟警誡同學唔好再犯錯而係罰同學唔交功課？
而且佢根本唔會聽人講嘢。咁佢就係某個課外活動嘅負責老師，有次佢個活動唔夠人，就係個gp 入面揀咗個人去參加，即使個同學由頭到尾都冇話要參加，佢都要人地填咗form報尾先，到最後先至話搵到有人頂佢個位。但係未搵到嗰個頂替人之前，佢一路遊說嗰個話唔參加嘅同學，真心唔明點解佢臉皮咁厚。
我甚至懷疑佢係咪雙重標準，一時話「唔介意你地抄功課，只要學得識就得」但人地抄功課又話「抄功課嗰啲全部都要記缺點」佢曾經講過「唔介意我地講佢教書教唔好」又話「我知道有啲人好唔滿意我教書，但係你地考唔好個試，就要聽我講書」
咁佢教學質素呢？聊勝於無已經係讚緊佢。
佢完全係嗰啲講題目唔備課嘅人。點唔備課，就係比堂課我地做跟住第二日對答案嘅時候同全班一齊諗條題目點做，因為佢呢種做法，我地60分鐘嘅堂佢先解到2條。至於佢教書呢，照書讀咁濟，仲要我地用佢個方法做唔準跟書，如果考試唔係佢個寫法要扣分（但係嗰part dse 根本唔係比分位）
升咗上f.6就免不了要操paper ，咁做mc 就梗係要快靚正㗎啦，如果唔係點同人鬥高分。點知佢就話「你地用嗰啲速成方式會令你地混淆㗎，我地一齊用full step 解題」我當堂呆撚咗，佢連mc 改正都要full step 。結果我地考mc 衰又話我地唔溫書。大佬啊用你啲方法啲mc 計到聽朝到未計完，仲話我地考後差，你冇嘢吖嘛。
最好少係佢會叫我地補課嗰陣開住個cam 操卷，話開住cam 會有係試場考試嘅feel，因為有人監考。Err⋯⋯我真係唔覺得囉，我淨係覺得你浪費緊我屋企嘅電力，而且係得屋企上堂都唔會有所謂嘅臨場感。
其實我真係懷疑自己太過挑剔，淨係覺很自己老師衰，成日都隔離飯香。但人地老師嘅質素真係差好遠（至少人地嘅老師做mc 唔係教full step ）我甚至比佢搞到唔想翻學。下個禮拜我就會study leave，但係佢話會係呢段時間搞補課翻去操卷。見到佢，我真係乜動力都冇。
Sorry for 1999
圖Link: https://i.imgur.com/hm5gCF0.jpg