#NSS家庭
[Guest] Hello大家好，
我講下我個人背景，我係喺疫情中確診中度抑鬱症
(只係想講明我心理承受能力唔係咁好，已經唔係好頂唔順，真係好急需要你地嘅意見🙏拜託了)
圍繞阿媽帶來嘅問題：
我一直當佢係一個我可以學習嘅對象一個值得尊敬嘅人，我對佢好信任甚至依賴。佢都係我細個到大，一位對我嘅學習家教方面嘅好老師
但係我深入了解後發現，佢好賤
1.食煙，我自身好反感，只因為係佢。所以佢係廁所食佢嘅ok，但係可唔可以放返隻貓出黎先…d二手煙嘅危害我唔信佢會唔明。
同埋放返好d用品啦，就咁周圍放好好睇？
明知我討厭。出街仲要扮晒野係我前面幫我擋著，皺晒眉扮討厭埋一份，我睇你想前d吸埋兩啖就真。
2.最主要投稿同令我對佢嘅幻想破裂嘅事
Wechat係有個功能搶紅包，本身佢係家庭主婦咁可以比佢搵到少少錢玩下都放鬆下。
但係佢完全係一日除咗瞓覺就無時無刻係咁玩緊呢樣野，認真。。。
仲grp埋一班單身人士，開埋相親主題嘅grp
_
佢係可以打兩句野做一下野咁keep著，所以一日洗衫/洗碗/掃地/買餸，淨係可以做到其中一樣
我試過睇唔過眼叫佢做完先玩啦，佢反而睇著仲未做好嘅野大言不慚咁話，就快Ok la佢有做到已經好好啦喎
_
影響哂正常生活，破壞屋企之間嘅感情。
我地都有傾過下，佢每次都話我地點解可以玩手機佢唔得，咁做籍口。
但係其實我地一個就返工，一個就讀書，咁你作為家庭主婦你做咗d咩？
（我就認為家庭主婦既然寫得係工作嗰欄咁你就要當佢係你份工咁你就要做好佢，阿爸都有比家用你架，你都可以寫自己係無業咁咪唔洗做。）
而家我要做埋佢嗰啲野，佢仲火滾講我應該要幫佢做家務，我應該要分擔佢嗰份，因為我有份住。淨係攞我未成年黎駁我。 所以屋企愈黎愈污糟
_
佢對網友嘅耐性多過對我同阿爸，要等到佢想同我地講野佢先會出聲，仲一定要我地答。到我地問佢野佢就啞咗。好唔公平
我感覺唔到佢對屋企嘅付出同愛
！我最接受唔到就係，喺個grp度加咗好多單身男士私聊，我睇見佢地一聲一聲未來老婆咁叫我阿媽，佢又冇明確地拒絕
更甚公然話佢都對其中一個有好感。扮晒離婚咁，周圍搵人傾計。
但係佢明明有我同阿爸，阿爸仲對佢好好，當阿爸笑著叫我媽老婆嗰陣我好心痛阿爸，都極心寒。
_
完完全全觸犯到我嘅道德底線，我真心覺得嘔，發自內心嘅恨。我更希望佢地可以離婚，我放棄佢了
At last thank you 睇到呢度
。我可以點做？應該開口同阿爸講嗎，我係女仔唔知有咩方法可以同阿爸傾到咁嘅問題
（第一次投稿sorry for 1999，同錯字
圖Link: https://photos.app.goo.gl/fDdoSDqcfgSZJrzz8