#NSS文化
[GUEST] 再見了
“我鐘意你！“
啱好路過嘅我聽到咗呢一幕，因為我嗰該死嘅好奇心，我向着玻璃窗望咗一眼，映入眼簾嘅卻係我朝朝暮暮嘅你。
你企係度，對面企住一個可愛嘅女仔，好似真嘅情侶咁，明明你哋般配，我應該祝福先係，但係點解我個心會咁痛。。。
我唔敢睇亦都唔敢聽落去，好似只要我唔知道，一切都唔會係真嘅。。。
第二日返到學校嗰陣時，我見到平時我問你借支筆都會唔耐煩嘅你，竟然耐心咁教琴日嗰個女仔做功課。
可能係我真係好醜好噁心好令你感到厭惡，所以你唔願意同我講同兩句野，唔可以好似對佢咁對我溫柔啲。
之後幾日，我成日都見到你同佢係埋一齊，一齊食嘢，一齊傾偈，一齊溫書。。。係遠處望住你嘅我就好似連一句話都未有就死咗嘅配角咁。
一個星期之後，你係ig story宣布你同佢喺埋咗一齊。
我嘅幻想世界好似崩塌咗，一直自欺欺人咁以為即使你對我冷眼相對，忽冷忽熱，但係喺你一樣係心中有我㗎嘛，即使佢日日同你喺埋一齊都可能只係好朋友，同埋就算佢表白咗你有機會拒絕佢㗎嘛。。。
結果我依舊只不過係一個配角，襯托男女主角愛情嘅配角，一個醜陋嘅配角，但係我根本冇資格亦都冇理由去恨女主角，就如Heather嘅一句歌詞一樣
But how could I hate her?
she’s such an angle.
你終究唔係我嘅王子
而我亦唔係童話內嘅公主
所以
我放棄了
我以後唔會再為你落淚
唔會再厚面皮咁煩住你
唔會再。。。鐘意你
因為你嘅電影唔需要我呢個配角
一個毫無意義嘅配角
一個會妒忌女主角嘅配角
一個令你心生厭惡嘅人
我嘅電影中往後也不會看見你的身影
我會放下你
努力不去想你
我會令自己變得比你更好
再見了，唔屬於我嘅男孩。
再見了，曾經自欺欺人嘅我。
再見了，曾經鐘意你嘅我。
再見了，我的童話。
再見了，祝你幸福。
_以文乃創作文
第一次寫請見諒
希望大家可以俾多啲意見🙏
下次寫文時會改善
Sorry for 1999