[guest] 小妹移民英國一年，喺香港嘅時候英文已經唔太好，嚟到呢度咁就自然難跟上進度啦，同埋我個人可能比較怕醜，唔敢係英國人面前大膽講英文，都唔敢同佢地傾計。
每日返學都冇咩機會練到英文，就係正正因為英文嘅問題，我好多科都好低分，有時候唔係唔想讀好書，係上堂嘅時候都根本聽唔明。所以感覺好挫敗。
嚟英國嘅香港人個個成績都好好，咁就大大反映到我嘅問題，我有時候放學返屋企都會溫返學過嘅嘢，好似phy同埋bio咁，全部嘢都係用英文學，我就記唔到啲生字，搞到我全部都好差
呢排成日諗，我會唔會真係唔係讀書嘅材料，點都好我自己都係覺得讀好書先有將來。我依家未出社會工作，單單係學校，成績好嘅學生特權多，受同學歡迎，受老師愛戴。我父母唔係對我唔好，佢地好想好想我讀好書，但凡我有少少成績佢地都會買好多我鍾意嘅嘢獎勵我。
唔知有冇人明白呢種心情，我都承認我依家未盡力做好我自己，但我已經俾呢種負面情緒困住咗好耐