[文長慎入，覺得長可以直接睇最尾嗰兩段]
其實大家對台灣人有咩睇法？我見好多人都係話佢哋好友善。
//但係我完全唔覺得，我之前都有加入啲台灣嘅fb group，留意左幾個月，見佢哋成日喺度公審，講兩句就玻璃心。
//見到鬼滅啲嘢就即刻鬧佢國小生(=香港的小學生)，連有人擺啲自己嘅鬼滅畫都會俾啲台灣人鬧腦殘、XX等等，雖然台灣嘅鬼滅嘅年齡層的確比較低，但係真係有必要咁樣咩？喺度欺凌人哋完全唔理人哋感受好好玩？….
//跟住有啲有關中國嘅新聞佢哋完全唔會理啱定錯，總之鬧定先，嗰啲咩東森新聞又喺度偽造事實，後尾先俾人發覺係假，同一件事中國同其他國家都有做，中國就俾人鬧到仆街，其他國家就冇事。我喺留言講返句公道話即刻俾人圍攻，但係佢哋又講唔到point，淨係識用埋啲五毛之類嘅用詞。
//打過機遇到台灣人隊友唔小心失手俾人殺就俾人用粗口鬧，我完全感受唔到啲人話啲咩「友善」
//其實啲人話台灣好係咪淨係因為政治正確/相同？雖然我都係黃，但係台灣人做嘅嘢真係XX。台灣人成日話啲咩反攻大陸，而事實上中國嘅軍事、經濟又真係好過台灣好多，佢哋邊度嚟嘅優越感？(當然中國都有好多唔好嘅地方，不過我而家討論嘅話題係台灣)
//大家有咩諗法？希望留言啲人可以理性少少，客觀啲，唔好淨係因為政治就話我五毛、俾人洗腦之類嘅，多謝大家睇到嚟呢度。