#NSS學校
[Guest] 自從f1嗰時同個「frd」吵完架之後 就比佢周圍唱衰
小妺今年f2，上年f1啱啱開學嘅時候識咗某個「frd」。幾個月之後同佢反咗面，件事係佢自己小氣嘅，詳細就唔講啦，總之之後就同佢絕咗交。直到f2嘅時候，咁唔好彩我又同佢一班，點知佢就開始亂作嘢周圍同啲新同學唱衰我，佢哋又真係信哂。開頭都算啦，點知最近調位調到佢啲frd附近，而家日日比佢哋無視我，好似唔想睬我咁，連上堂discussion 都唔理我。真係唔知點解佢要咁做，我都冇周圍同人唱衰佢啦。我同我啲frd講佢哋都覺得我好慘……而家真係好唔開心好無助……我究竟做錯咗咩，我係冤枉嘅……如果可以返返去f1，我絕對唔會同佢做frd。