#NSS學業
[ GUEST ] re#NSS211204E
有人話其實上左中學之後,學嘅maths 真係日常唔會用?
數學係訓練邏輯思維，任何一個正常人係日常生活上一定用得著
工程師 精算 物理 化學 統計 程式開發 3D設計 測量 運動科學 經濟學 金融 會計 等等
好多科目或多或少會用到
一個現代文明人具有一定既數學能力是常識吧
樓主你身邊用既事物，例如冷氣 風扇 手機 平板 電腦 衣服等，有邊一樣野唔係建基於機械生產，工程學，能源學，其中都會用到數學
今時今日仲有人覺得現代文明係可以脫離數學，實在係太反智了
DSE數學範圍，DSE數學範圍並唔係高等數學，其中好多課題係十分低等，例如
DSE中學課程包括百分比，比例，誤差，利息，計稅等等既實用範圍
報稅，計百分比，計利息係咪幾乎人人都要接觸呢?
2) 從整個社會角度出發
OK，退一步講，就假設有一部份人終身職業都係唔需要用到高等數學
但係作為一個現代文明社會，每一個小朋友具備數學能力係必須的，因為每一個人將來都有可能係科學家或者其他需要高等數學既職業
現代文明要求每人都要具備英文能力，基本科學常識，一定數學程度，咁樣整個社會先能夠有效運作
3) 智力訓練
數學係一種邏輯同埋智力上既訓練，即使完全用唔到具體內容，學習過程會令青少年智力有所成長，能夠理解更多複雜概念，從而具有一個現代人需要的質素
4) 從個人出發
假設你一世用唔到數學，係咪都有機會生兒育女，D仔女係咪都有機會做理科既工作，仔女係咪需要從小教育? 如果家長都係一個數盲，點樣從小教育子女正確邏輯，正確數學呢?
5) 你認為數學會排除左好多人材，事實上機會很微
因為你唔需要5**先入到大學，你只需要2，數學2基本上你只要岩哂Section A1就得
而Section A1全部都係百分比，調主項，搵下unknown咁既程度，要求相當低，無高等數學
就算你真係數盲到一個點，連加減都有問題，真係數學唔合格入唔到大學
如果你係其他方面，例如藝術，書法，文筆，歷史等等具有十分出色既才華，各種社交媒體都可以令你爆紅