#NSS學校
[HDC] 其實矮有咩錯？
小妹今年f1升f2，得13Xcm
父母都唔高
自問唔算靚女 普普通通嗰種，成績又唔算出眾
因為生得矮，由細到大都畀人笑
加上自己發育得慢， 升咗中學之後就畀D女仔frd話
「絕經」「太平紳士」
學校D師兄師姐行過都會話「哇，好矮呀」
我記得開咗學幾個月嗰時，放學等過馬路，
兩個師兄喺我後面講D好難聽嘅說話
「 前面條女又矮又冇波」「 成條街啲人個個都高過佢」
過咗一年都適應唔到中學嘅生活，
慢慢就越嚟越自卑
自己一個返放學，或者著住校服喺條街，都會好唔自在、好驚
越嚟越害怕其他人嘅眼光
試過同身邊啲frd傾訴， 佢哋淨係話
「我2年級都有13X」
我喺屋企人心裏一直都好樂觀、好搞笑， 所以同佢哋講，
都係叫我唔好理其他人，
我又唔知點同社工開口。
所以呢啲嘢只可以壓抑喺心裏