#NSS學業
[band1A中學] 小弟08，升F2，有個煩惱困擾咗成年F1
喺band1A中學，學業方面競爭會唔會好大？如果你係全級頭15，就真係好大，但係其他就真係唔算，努力溫書嘅，中上唔係問題，咁我全級名次就大概2x-3x/13x，你問我對自己嘅成績滿唔滿意，我會答你，名次滿意，分數唔滿意，點解？我喺小一至小六全級頭三，但係我間小學全港排名得30x, 咁升到上band1A學校考頭40都算合理啦，不過我知道我自己冇盡力考，就算排名唔錯，總係有啲後悔
咁既然知道自己冇盡力，做咩唔盡力？你估我唔想咩，1st term考試之後我好後悔無盡力，於是新年假頭就整晒study plan, 但係我打開本書，溫咗幾頁就唔想溫，我試過定啲獎勵俾自己，例如溫完一課就可以睇一集動漫等等，不過通通都唔work, 唔work又冇動力溫，於是拖下拖下就到咗大考前兩個禮拜，咁到到呢個時候冇理由唔溫㗎，於是就不停喺度死背，但係死背又點會考得好？於是我大考有2科大退步，兩科都跌咗2x分，好啦其實如果我定好study plan, 考試前兩個禮拜先開始溫都唔係問題嘅，不過又有另一個問題
其實我根本唔識溫書，淨係識死背，小學嗰陣，我學校中英數都唔使背嘢，常識就背少少啦，喺小學期間，阿媽都會幫我溫書，到到中學，因為佢要幫細佬溫書同準備升中，所以就唔得閒理我。中學有8科，而且科科都要背好多嘢，所以一向都死背嘅我根本應付唔到，我學校上下學期都分別有一次統測同一次考試，考嘅範圍每次都會增加，例如science有book A同book B, 各有6課，上學期統測就會考book A chp 1-3, 上學期考試book A chp 1-6, 下學期統測book A chp 1-6+book B chp 1-3, 下學期考試book A chp 1-6+book B chp 1-6, 因為每次都會增加好多chp, 所以淨係識死背嘅我每次都會退步，F1 8科，F3 11科，DSE 7-8科，仲要係考成個中學階段學嘅嘢，我繼續用死背呢個方法，最後只會成為影響校譽嘅垃圾
我好想攞好成績，為校爭光，大家有冇啲讀書方法推薦俾我？thx (唔好叫我整notes, 下學期hist考試試過，結果退步咗29分，差1分就唔合格)
admins plz post IG
thank you