#NSS其他
[guest]
小妹初中 以下觀點亦十分主觀
預咗畀人屌
但都希望大家體諒下
如果你係已經喺英國生活耐咗
唔鍾意英國嘅可以唔好睇
只係想畀啲未嚟嘅人睇
希望佢哋唔好淨睇到啲對英國唔好嘅comment
想講英國嘅學校生活
人哋細細個開始玩埋一齊 融入唔到真係好正常
將個情景代入去你自己度
即係其實如果你學校有個新同學
你一開始都會好nice㗎啦
但係時間耐咗
其實你同你班friend玩返埋一齊都好正常啫
唔係話特定要排斥佢
但係你根本都唔係好記得呢個人嘅存在
而且 人哋一開始一定要對你好㗎咩
真係唔好對你好你唔感激調返轉話人哋好假
即係就算真係有歧視呢樣嘢存在
可能都係得一半
然後嗰一半入面
我覺得有一半你係絕對可以用你嘅為人
去洗走佢對亞洲人有嘅刻板印象
即係其實我自己喺呢邊
一開始實有幾日 幾個禮拜
甚至更多係自己坐埋一邊
上堂冇計傾
但係點 我咪盡量笑多啲 幫人多啲 放開啲玩多啲
某啲人連一開始我幫佢多謝都唔講聲嘅
變到都會問下問題同我傾下計
同埋話佢哋唔理你香港人定中國人呢樣嘢
大佬呀 人哋外國一定識香港㗎咩
諗下你自己平時聽到大陸人嘅第一反應係點
即係雖然啦 歧視呢樣嘢唔係啱
但起碼我理解囉
雖然嚟英國唔係我嘅選擇
但係我係由心地感激英國畀我呢個機會
可以逃離香港呢個政權
即係最後戴返個頭盔
我知道地區唔同都會有好大分別
但只要歧視情況唔係超級嚴重嘅
我希望我嘅觀點大部分都適用
生活耐咗之後
你有你嘅體驗
你可以唔鍾意呢個地方
但如果你係啱啱過嚟嘅
希望你以一個感激善意嘅角度
去開始你英國新嘅生活
(其實我好歡迎分享我自己喺呢邊嘅經歷
如果想傾計我可以dm你
sor for 1999