#NSS個人
[屋企細上zoom真係好難頂] 我住公屋，本身面授係冇乜問題嘅，但係呢排無啦啦又要上onlinelesson搞到我好唔開心。
首先，我屋企淨係得兩間房五個人住，我就同我家姐一齊訓一張好細嘅床，連書檯都好細，唔可以成本書擺係上面，淨係可以就住就住咁，字都寫唔到。佢而家讀大學，唔洗成日早起身去返學，我朝早上堂要開cam嘅時候就算blur左background啲同學都會見到佢係後面訓教，我淨係可以較超細聲。而且佢唔比我開窗簾同開燈，搞到勁暗乜都睇唔到，搵書有聲又會比佢鬧。我細佬就係客廳餐檯度上堂，我連出房門都會比佢鬧阻住佢上堂。
加上我連補習都要用zoom黎上，屋企得一部電腦係我地房度，家姐就會霸住間房話要做嘢，然後叫我係細佬間房張床度做卷上堂…條脊椎都唔掂啦，而且係張床度點做卷呀？就算同完媽咪講都係幫佢然後叫我比間房佢用，佢只係用電腦姐，佢自己有部macbook唔用係都要用我地房嗰部電腦霸住間房。