#NSS個人
[GUEST] 想發洩一下 admin po IG thx
hello 我係一個f3嘅女仔 講小小背景同say個sorry先 (因為遍野完全係靠我當下嘅感受打出嚟所以會好亂) 屋企係一個好普通嘅中層家庭 雖然有老豆老母 但係我感覺我自己好似活於一個單親家庭 由小到大父母關係唔算太好 細個嗰陣父母己經成日鬧交但係都唔會話冷戰 都算快就和好 但當我越嚟越大父母不但成日鬧交仲要成日冷戰 令到我成日都要做和事佬 一開始都係冷戰一兩日 到而家 己經係月計 我本來係一個好樂觀成日笑嘅女仔 但到而家朋友同學老師對我嘅cm就淨番 “好cool” “唔講嘢” 等等等等 我有嘗試同朋友傾訴 但係好似又講唔出口 佢哋唔係對我唔好 我亦從好多事中感受對佢哋嘅真心 但就真係講唔出口 所以只能夠自己消化 我阿媽有高血壓 唔激得 同埋佢成日都係公司受氣 所以好多好多嘅嘢我都盡量遷就佢 而近日 我覺得自己好似出咗D問題 前兩日我係度補緊習 結果突然間收到我阿媽嘅電話 佢話:你係邊？你而家即係同我番嚟 我要睇醫生 然後我話:?咁有咩關係？ 原來 因為佢同老豆又冷戰 我阿媽並冇同老豆講嗰日佢要睇醫生 然後如果平時我媽喺屋 會閂房門 結果我老豆出門口嗰陣時一個冇為意 就鎖咗門 結果我媽出唔到嚟 去唔到睇醫生 然後我就大熱天時30幾度即刻衝返屋企幫佢開門 然後喺佢去睇醫生嘅途中佢打咗兩次電話畀我喺度鬧我問我點解咁遲先返屋企幫佢開門 話我哋兩父女一擔擔 冇出息 讀屎片 但我唔知到係咪己經麻木咗 只係講 嗯 知道 唔好意思 唔會有下次 之後 就cut咗線 係呀 我真係好垃圾 讀書唔好 由朝到晚淨係識得畫畫畫 但係我想講 我真係盡咗力 但係對唔住我成績真係上唔去 其實我都想减輕你嘅負擔 但係我未到法定年齡可以出去打工 所以其實我都唔知可以點 算啦 多謝大家睇完我呢篇咁奇怪嘅嘢 哈哈 sorry for 1999