#NSS家庭
[GUEST] （本文內容含有負面情緒）
小妹今年f1
是咁的我由細至大讀書都冇特別好，但係屋企人對自己有好高期望，自己就好似永遠都達唔到佢哋嘅要求。我讀1B中學成績大約係頭前50名以內，但每次派卷只要有一科成績唔好，其他科就算考得幾好都冇用，令我成日覺得自己好冇用。
我有個堂妹同表弟，佢哋讀書唔錯，所以爺爺嫲嫲成日喺我面前讚佢哋，本身我諗住只要自己做返d成績出嚟，就可以得到佢哋嘅讚賞，但係我就好似永遠都做得冇佢哋咁好。有一次我同我堂妹玩，佢自己整污糟咗件衫，但係當我嫲嫲知道後第一時間就覺得我整污糟咗佢件衫，雖然之後我堂妹有話係佢自己整污糟咗，但係我自己都有bad feeling。其實爺爺嫲嫲平時都對我幾好，但係總感覺佢哋比較鍾意我堂妹同表弟。
其實我明白Daddy Mommy都係為我好先會對我有咁高期望，但係我就做唔到佢哋嘅要求，覺得好對唔住佢哋。我喺屋企人或者朋友面前係一個好開心嘅人，但係當我自己一個嘅時候就會將所有唔開心喊晒出嚟，我唔夠膽同其他人講，唔知有冇人明白？如果有同類朋友，希望可以同我一齊面對。
Sorry for 1999(文筆唔好，辛苦晒大家🙏🙏）