#NSS家庭
[GUEST] 小妹今年f.3，有兩個細佬。
尼排放暑假我阿爸就要求我哋三個要每日8:30起身，9:30開始溫書做功課，45分鐘一節課咁同平時返學一樣，跟住就有15分鐘break，晏晝夜晚又要做兩節課。咁點解話佢針對我呢？
—長文慎入—
第一，佢話我同我細佬朝早要預習。咁我就記性差，因為暑假仲好長所以唔想曬時間預習咁多，我就做份past paper 溫返之前學個啲嘢。而我個細佬就攞住部ipad做功課(其實佢個份嘢上個禮拜已經見到佢做緊😅)，跟住佢就行埋我度望住我問我做乜唔預習肯度做past paper，我話我想溫書唔預習，佢就鬧我話唔聽佢講，做埋啲無謂嘢。我細佬做個份嘢已經有一個禮拜其實我阿爸都睇到，佢只不過想肯度挨時間唔預習，但係我阿爸都係視而不見。。。
第二，開始暑假之後佢就不停話我玩太耐手機。平時溫書個陣佢都要求我將我部手機擺開唔可以肯張書檯上面，我細佬就唔洗。平時break我想望兩眼手機覆下message佢都唔畀，okay我忍。但係夜晚食完飯我望下ok la gua? 我拎起手機一分鐘都唔夠佢就話：「玩左半個鐘都唔停，你再係咁就唔好用手機」我真係O曬嘴，你邊隻眼見到我玩半個鐘。相反我細佬佢坐肯度睇左成粒鐘手機佢都唔話佢一句😮
第三，尼樣就唔關針唔針對我嘅事。原先講好有晏晝一個鐘夜晚一個鐘嘅打機時間，跟住前幾日改到二四六夜晚先可以玩晏晝照舊。今日又改到一日得半個鐘。。其實半個鐘根本連一鋪都玩唔到，我寧願唔玩咯唔需要扮好人wor。我有同佢講我需要打機娛樂下，佢平時唔畀唔掂手機唔畀我睇Youtube，我仲可以點舒緩壓力？
所以我可以點樣肯尼個暑假除左溫書睇書仲可以做乜？真心好大壓力。
sorry for 1999🙏🏻