*由於搵唔到適合嘅圖所以求其搵張兵長比大家養下眼(˶‾᷄ ⁻̫ ‾᷅˵)+文筆會有少少唔順
小妹今年F1，本身喺小學成績麻麻地，好彩考到間理想嘅學校。阿媽本身體弱多病，阿爸又成日出去賭出去玩唔返屋企，阿媽就越嚟越大壓力，成日發我脾氣。但我明白佢好辛苦，我忍。一開始都還好，但後尾我地嘅關係越嚟越差。
間唔中我會問下阿媽身體如何、有冇咩事發生，佢總會話：你唔使擔心任何嘢 你只要讀好書做好自己就得。我都係好擔心，一開始我以為一切都會變好。但現實同我諗嘅總會不同。我第一次科學測驗好低分，但我自問我已經盡咗力。阿媽睇咗我分卷 就問我：「我咪叫咗你唔好擔心我專心讀書囉 點解仲咁低分 你到底明唔明白？」我就話明白啦，佢突然捉住我衣領大叫：「既然你明白你就同我讀好書唔好再激嬲我 你都唔明白我嘅苦處！」跟住我喊咗出嚟
佢成日都話你要明白我嘅苦處我有幾辛苦但佢又叫我唔好擔心唔使理專心讀書，我唔明佢想點，好難唔擔心。加上可能我青春期脾氣變得少暴躁有時會發下脾氣咁，但又未至於鬧阿媽打阿媽。
有時真係唔想返屋企，好多嘢煩，好多嘢要諗。夜晚會好想好想自殘但又好驚阿媽會發現。我好想令到個關係變好啲，我大家可唔可以話我知要點做，希望可以po上ig thxxx
sor for 1999