#NSS個人
[GUEST ] 希望比admin抽中放igㅠㅠ
小妹f2，最近情緒好奇怪
睡眠食慾冇乜問題，只係每日訓極都好攰
可以訓係張床4個鐘，又冇動力
平時都會笑，都識得開心
但係有時候啲情緒話黎就黎
會冇啦啦係到喊
喊到抽搐頭痛個隻
有時候會喊唔出，個感覺好辛苦
好似啲情緒拗緊我成身咁，成身肌肉緊曬
會不停搓自己隻手，個頭同埋個嘴不停咁震
之後係咁un腳，周圍望
不停自言自語，好似個人唔係自己咁樣
有時候會攞支筆不停刮自己隻手臂
有一日要做project 同7個組員傾電話
開咪既時候心跳會無啦啦加速，又手震
成日諗去死，但係冇計劃實行過
情緒完左又變返正常，即刻識得笑返，正常返
但係就算我正常既時候都會有把聲同我講
「我好廢，點解我可以咁恐怖，都冇人明白我，點解我比唔上人地，不如試下割碗」
屋企人有時候黎搵我，但係我覺得好討厭
我甚至好討厭呢個世界
我覺得自己好似一個癡線佬
望住塊鏡都覺得我好恐怖，又開心又喊
開心既下一秒就會唔知點解喊
之後攞野打自己個頭
但係個感覺係我知道我做緊啲咩，只係控制唔到
我好驚比人知道自己咁樣，我又控制唔到
我係咪癲左…我好驚
Sorry for 1999