#NSS個人
[Guest ] Hi emm 我今年14歲 係咁嘅係現實中我係一個經常緊張嘅女仔，可能因為由細到大都自卑所以先會成日緊張，原本緊張都冇乜嘢嘅，但係近呢一年，因為我一去到醫院就緊張，每次去醫院血壓都超高，搞到我呢一年每隔幾個月就要返去複診，我知道自己係因為緊張先會血壓高， 因為我平時喺屋企量都係around 100/65左右 , 但去到醫院嗰個數字真係誇張到不得了140/80 or 150/80 都試過，我試過克制住自己唔好緊張，但我真係做唔到呀，尤其係坐緊車去醫院嗰陣，我feel到自己好驚，我真係好驚，我唔想食藥，唔想做一個有病嘅女仔。嚟緊3月19我又要覆診，我真係唔知點舒緩自己嘅緊張，我真係好驚，打緊呢篇野嘅時候都已經喊到不停。Ok，其實我只係想問一下個令到自己唔緊張嘅方法？