#NSS愛情
[GUEST] 想問吓大家啱啱開始拍拖係唔係一定要有性？
（希望小編可以post IG🙏🏻）
小女f.4 三個月前識咗個搭訕嘅男仔，佢f.5
佢份人好主動 有同我WhatsApp同埋flirting 嗰啲
同埋佢好癡人 好易呷醋
大家message 都幾曖昧 e.g. 叫我老婆bb之類嘅暱稱
有約過出嚟 第一次冇乜嘢嘅 拖咗手
點知隔咗兩個月 第二次佢就想同我開房
仲要嘴埋嚟（舌吻嗰種
想同我扑嘢
我就梗係唔應承啦（大佬出咗嚟第二次咋喎）
好似講咗成半個鐘我都唔肯
佢話如果我唔同佢扑嘢就係唔愛佢
（我覺得有啲情緒勒索囉）
又會話扑嘢之後會更加愛 我就梗係唔信啦
拒絕之後就冇乜嘢啦，都會拖手錫下嘅
第三次就約咗我去睇戲（恐怖片
大家都會分享自己嘅心事同埋講吓日常嘢
期間有攬下錫下 但係佢不停游說我同佢扑嘢
仲要約埋下一次日期開房
我就梗係唔肯啦 求其搭咗話考慮吓
我有問過佢話點解一定要扑嘢
佢就話因為男仔同女仔對愛情嘅需求唔一樣
（唔知點解我覺得佢似呃蝦條多啲）
其實男仔係咪都一定要扑嘢先至確定係愛唔愛？