#NSS愛情
[GUEST] 希望Admin可以Po IG 🙇🏼♂️
背景資料：
小弟有一個由細玩到大嘅男仔朋友, 大約識咗12年.我簡稱佢為「A」. 而我同A係同班嘅. 小弟曾經有過女朋友.
係上年12月頭嘅時候, A同佢女朋友分咗手. 因為佢平時都係同佢女朋友過, 突然冇咗女朋友陪佢,佢覺得好悶好頹, 之後就開始約我上佢屋企陪下佢, 食下飯,打下機,只要我個人陪佢就得.
係呢段時間, 我地幾乎每日都見, 得閒冇野做就出下街,散下步,飲下酒. 好死唔死係呢短短嘅三個月我對佢有咗好感/鐘意咗佢, 我覺得我同佢一齊嘅每一個時刻我都好開心, 每當佢同女仔玩得好埋嘅時候, 我總係覺得好唔忿氣.
我地平時都會傾下WhatsApp, 有時仲會用啲好曖昧嘅暱稱叫對方. 雖然同佢識咗咁耐,但我地一張合照都冇,因為佢好抗拒影相.
問題就係： 假如我同佢表白嘅話, 我有機會會冇咗呢段友誼. 大家覺得我好唔好係畢業前博一博(2021DSE)? 但係我又過唔到自己心入面個關..
多謝大家睇到呢到 亦都多謝每一位肯留言比意見嘅人🙇🏼♂️