#NSS學校
[沙田嘅中學] 小妹今年F.2, 自小對自己嘅要少高, 管理時間方面做得唔錯, 而家讀一間沙田嘅中學,今年跌咗落band 2A。我之前F.1全級上學期第3，下4，F.2 上2。 我想自己有更加大嘅進步,所以我想轉校, 同咗阿媽講, 佢一開始未批准我想轉校呢個諗法, 佢話其實我而家讀緊間中學自己嘅考試排名,比起到時轉咗校, 考包尾係更易入大學 , 所以佢唔想我冒險, 但係佢最後respect我意見,畀我試下。
問題嚟啦！ 佢話一轉就轉去band 1A, 如果唔係轉嚟把鬼咩(佢理想嗰間仲要係沙田區中學排名第一,cmg?!?!) 。 但係其實我想1B算, 因為好驚自己讀唔起1A/大壓力/考包班等:(
我知香港係一個現實嘅社會, 學業=未來(大部份) , 我想有個好啲嘅讀書環境 , 但係我真係驚到時考包尾, 入唔到大學。
請問各位有咩意見？到底我應該搏一搏轉校 定係 留返係間中學 但係成績唔會再有好多進步？ 如屌請輕手啲, thank you. ( 如有錯字,請體諒,語音輸入……)