#NSS個人
[GUEST] 麻煩admin抽中po IG pls🙇🏼🙇🏼
事源是咁啲，我今年中六，系考試個陣作左一篇文。內容大概係話緊我坐左系天台上面思考跳樓嘅可能性，同埋當下我嘅心情同唸法，全部都可以話系我親身經歷。
其實咁樣寫唔係好大問題，個問題系我一直有小小情緒上嘅困擾。導致我系某段時間嘅狀態時好時壞，加埋個段時間身體都有啲狀況，所以令到有幾位老師一直好擔心同照顧我，一直嘗試幫助我處理我嘅情緒問題。
而到易家其實我已經開始可以控制到自己嘅情緒，即使唔需要人地幫助我都已經可以進行自我調解。但係個問題系我寫嘅呢篇文令到某個一直好照顧我嘅老師擔心我有復發跡象，所以每一日都keep住send message比我，就好婉轉咁去安慰我，並且表達佢隨時會幫助我，同埋可以幫我轉介社工。
但其實我易家問題不大，我都明白個老師系真係關心我。我亦都有明確表示我易家暫時唔會做傻事，佢依然都係好唔放心。想問下大家有冇啲乜方法可以令到我個老師唔好過度緊張？我唔係好想令到佢擔心，亦都唔想麻煩佢。
唔該嗮🙇🏼