#NSS個人
[Guest 覺得自己樣衰] 第一次投稿 有啲咩講得唔好請見諒🙇🏻♀️
我其實自細就對自己個樣好自卑覺得好樣衰 所以我唔鐘意影相照鏡 總之避得就避
咁多年嚟我一直都克服緊呢樣 甚至諗過大個咗儲錢去整容 整靚啲自己 畀自己好啲過都好呀 或者去學下化妝 但有時又覺得整容化妝始終唔係辦法 都係要接受自己先得
雖然一直都糾結緊 但呢幾年識咗班friend叫好好多 我開始唔介意影相 有時會陪佢哋玩ig filter 亦都會多咗照鏡 欣賞自己 至少覺得自己都叫一般呀 唔算樣衰呀 我仲有好多優點ah
咁我頭先其實同我婆講緊野 我哋講下講下就講到我個樣 佢雖然平時時不時都會彈下我 但都係冇惡意個種 純粹笑下我咁 不過佢話我有啲樣衰個刻 真係好hurt 我好想扮平時一樣咁駁返佢 但我今次真係做唔到 好想喊 我知我樣衰 但我都唔想 咁呢啲嘢天生 我都冇辦法 已經好努力接受唔去care 但由佢把口講真係好hurt 有時我都會諗點解我會咁生得咁樣衰 覺得自己咁嘅樣應該一世都唔會搵到男朋友 女朋友 不過算啦 一個人過都ok ah 冇咩唔好