#NSS愛情
[Guest] 小弟我而家讀緊大學，家境好好，之前活動嘅時候鍾意左個女仔(稱A)，覺得A好靚，性格又幾可愛，就開始追佢啦。
有日我成功約左A，之前買左個幾千蚊嘅chanel銀包諗住送俾佢，本身傾得好地地，我見時機啱，就拎個銀包出嚟，同佢講我嘅家庭背景，跟住同佢表白，點知A突然無曬笑容，講左句「你做咩啫，我都唔鍾意你」就走左。
我唔識反應，心諗乜唔係個個女仔都鍾意呢啲咩？第二日就問左A個best friend(稱B)，B話A對名牌冇乜感覺，多素著Uniqlo，食茶記。個下我覺得佢真係好特別，就決定繼續追佢。
之後我約A佢都冇出嚟，琴日佢終於覆我message，不過佢話「我有銀包啊，唔洗送咁貴嘅嘢俾朋友啦」，各位請問A咁講係咩意思？我應唔應該繼續追A?唔該晒！