#NSS個人
[日日ig放負，關心佢就淨係識覆冇事俾我自己靜下啦] 身邊有朋友日日都放負，一個星期三四次放負，仲要每次都係大acc prive acc 出story出post加close frd story瘋狂洗板轟炸。如果你遇到啲事情例如同人有argue唔開心放下負我理解到，但係佢係明明冇遇到啲乜嘢事日日都話 我好想死，人生有咩意義 ，我活著好痛苦。每次關心佢，問佢就話冇嘢唔好理我啦，唔理佢又會出多一個post話冇人關心佢 。
一開始我都好擔心佢，會去氹下佢開心 ，都有叫過佢去揾心理醫生睇睇，搵人傾訴或者做其他事轉移心情，但係佢始終都拒絕曬我所有嘅意見 ，又係嗰句你由得我自己一個啦。
到依家開始我覺得越嚟越煩，其實喺你放負嘅同時你都影響緊其他人嘅心情 ，本身就諗住碌ig放鬆下 結果每次睇到你嘅放負洗版 ，即刻down曬，開始覺得好煩躁。其實係咪因為同你close就要承受曬你所有的情緒，我本身都屬於偏開朗因為佢慢慢開始諗嘢都有得有啲悲觀主義，你成日話你啲朋友唔識關心你 唔在乎你 但係其實你日日實放負洗版嗰陣時又有冇考慮過你啲朋友 。
如果你真係有嘢唔開心，自己排解唔到，你可以搵朋友黎傾偈，但係我唔係你嘅垃圾桶，我唔係必然要承受理所有嘅唔開心 ，咁樣搞到大家都好痛苦 ，同你講你又唔肯改， 話自己改唔到 ，對唔住咯
面對佢真係好心累，我真係唔知依家應該點算好 ，希望所有成日放負嘅人都諗下自己啲friend嘅感受 …