#NSS愛情
[guest] 其實小妹都諗咗好耐要唔要投稿 不過真係忍唔到手 先黎投稿希望各位比啲意見
簡單啲黎講 就係我鍾意咗個阿sir 唔知點解呢排咁多呢啲post不過都希望各位比啲時間睇落去
是咁的 個阿sir上年中二嘅時候教我英文 佢份人望落幾正經嚴肅 唔係成日笑 不過上堂嘅時候講野都會搞到大家笑到碌地 後來越來越覺得佢吸引 開頭只係上佢堂嘅時候會特別專心 冇咩特別 不過後來開始有啲唔尋常 例如聽情歌嘅時候會諗起佢 見佢同其他女老師傾偈會有啲類似呷醋 反正就係會失落啦 嗰時開始我就喺度諗 我係咪對佢有啲唔正常嘅情感呢 不過呢件事我冇同過任何人講 就算好熟嘅朋友都冇提過 之後發現佢係中三其中一班嘅副班主任 咁我今年亦都好好彩咁入咗佢個班 而我上堂都會不自主咁望實佢 佢有時都會望番轉頭 我知係冇咩意思 只係下意識有人望住自己就會望番轉頭 不過佢呢個舉動令我更加著迷
可能係因為佢上年都係教我嘅 咁我都做咗英文科長 (仲要係佢揀我嘅) 咁成日都會因為收功課等等而同佢有啲單獨接觸啦 次次我都極緊張同怕醜 不過佢應該冇察覺到嘅
我見佢ig應該係冇女朋友嘅 雖然係咁但係我自知自己完全同佢冇可能 所以想各位鬧醒我 最好有幾衰得幾衰 令我唔好再對佢有非份之想