喺呢度成日見到啲人叫男仔去表白，其實表白有咩用呢？表白等於Show哂自己底牌， 失去咗神秘感 ，對方就會對你失去興趣。 再者，表白成功又點？ 一開始女朋友可能好鍾意你，但係你之後一樣咁Beta，好就哂你女朋友、不停讚佢、送嘢，佢只會覺得你係一個好冇挑戰性嘅人， 好嘔心，最後佢都唔會珍惜你。
記住呢兩句「我哋想得到我哋冇嘅嘢」「 要通過挑戰赢咗先會覺得呢個係一個獎品」
要一個人鍾意你， 要令佢投入呢段感情、付出， 唔係你不停付出。
同埋男仔可唔可以堅強少少？ 唔好因為一棵樹而放棄成個森林。我知分手好痛苦， 但係可唔可以傷心之後做好自己， 提升自己各方面能力， 可能5-10年後就會有更加多女仔欣賞你。
加油， 我對香港男仔仲有希望。
利申:16歲男，冇女朋友， 唔係溝女大師，乜7都唔識。