#NSS個人
[GUEST] Po ig plz thanksss adminsss~
我鍾意咗我個best friend
講返背景先，小弟18，鍾意男仔，有識好多男仔，但係由細到大都冇咩好close嘅男仔frd，反而close嘅女仔frd超多，如果我係異性戀嘅應該一早出咗pool。
事源我識咗一個女仔(下稱A)，幾靚女 身材都ok 優等生feel的女仔一個，啱啱開始識A係因為同班同埋我之前個best frd同佢幾熟😂，我同A嘅關係發展得十分迅速，幾個月之後已經係無話不談、言無不盡，因為傾好多計，學業上大家都互相幫忙，我同A變得好熟，所以我都同佢講咗我係gay呢個事實, and she’s the one and only one who knows I’m gay.
跟住落嚟呢幾年都係咁嘅關係，有時大家無聊就會call下發下噏風，有時呀A或者我有啲咩人生困惑又會扮下對方mentor開解下，有時見到啲咩靚仔嘅物體又會分享下，有時仲會鬥下成績添，然而我成日都輸佢一微微😢
間唔中又會約出街shopping睇戲食飯周圍去玩咁
我本來都幾sociable，唔知係咪因為人大咗，定係因為識咗A，覺得自己識咗一個騷眉or所謂閨中密友，我開始變到有啲摺，A本身份人都有啲摺，不過我哋兩個都瘋瘋癲癲所以玩得好埋🤪摺咗之後之前啲close frd不論男女嘅友誼我都冇太用心經營，我有時都會驚如果有一日A唔再同我咁熟我會唔會適應唔到，雖然我知啲人話「朋友唔需要多真心frd一個就夠」、「中學同學先有可能做一世朋友」，但係天下無不散之筵席，終有一日話唔定上到大學就會開始生疏。
我諗講到呢到你哋都估到我想問咩喇😐我覺得我都幾肯定自己就係gay嘅，因為我試過望住女性裸體都係完全有反應，但係我精神上鍾意咗呢個女仔😭我唔想以一個男同性戀者嘅身份去同佢拍拖，應該冇人會想經歷一段柏拉圖式戀愛掛？我內心好矛盾啊啊啊，我究竟可以點做？！大家有咩意見都可提出thanksss 🙇♂️（唔洗叫我放開個女仔唔好害人thx因為我從來冇阻住佢搵男友亦都無實際上捉住過佢唔放