#NSS學校
[GUEST ] 唔知點開頭好lmao 真係純粹有感而發
（寫緊呢篇文嘅時候 已經係凌晨）
好啦我要踏入正題
我係一個好熱情活潑嘅女仔
成日喺群體入面嘅焦點 老師都好鍾意我
所以同老師嘅關係都唔錯
佢哋話我有好多朋友 社交能力好好
其實全部都係hi bye frd
全部都係我自己好厚面皮hi返嚟 笑死
喺社交方面 我好主動 雖然social 好攰
但係身邊有啲人企係我隔離 先會有啲安全感
小學嘅我同埋中學嘅我完全係兩個差別
我比人哋嘅印象係 好大方 講得笑 好多嘢講 熱情
並且有「自信」
大概係因為我可以喺好多人面前講嘢
上台演講 表演 唱歌 我都OK
所以比佢哋俗稱為自信
但係關於外貌我真係自信唔到
有時候 會講吓笑話 下我咁靚 點會睇唔上我呀
類似呢啲啦 我行路嘅時候 通常都會面帶笑容？
佢哋都會話 嘩你行路好有自信嘅感覺
好啦真係要重點 講咗太多廢話添
就係我每做一樣野都會俾人放大檢視
就好似我今日換咗第二隻口罩
佢哋就會大聲咁講 你呢個口罩好顯你臉大喎
跟住我就會講笑回應返佢
跟住佢哋就會覺得我唔在乎 繼續講落去
但係其實我已經心諗 換咗隻口罩姐🥲
心入邊其實好唔舒服 佢哋見一次就講一次
得啦我知道我臉大了
第二單就係 我換咗件冷衫 着咗第二隻牌子嘅冷衫
同平時唔同 但係真係好小事
我一踏入課室 同佢地講早晨呀
佢哋就會話 哇你今日件衫咁顯肥嘅
跟住我同緊其他人講嘢 佢哋係會插把嘴
嘩真係 你今日好肥
多謝你 我每朝好好嘅心情俾你破壞咗
便服日又係 有個女性朋友 又話
你今日套衫真係唔掂喎
其實真係幾大打擊
我有同我好朋友傾過 佢哋話 其實你唔樣衰㗎
可以算得上靚女 個樣仲有少少鬼妹 幾有特色
正常身材 唔使理佢哋
呢一句唔使理佢哋
我幾時先可以做到呢？通常面對呢啲情況
都係講笑嘅形式完結呢個話題
幾時先可以做到唔在乎別人嘅目光
我都知唔使理佢哋 我都知我唔需要理佢哋
但係我做唔到 其實我真係好自卑
我身邊啲朋友都幾靚女
有啲friend係因為想認識我身邊啲friend
先過嚟同我做朋友 知道個原因之後真係有啲傷心
我都會講笑嘅形式完咗個話題
哇 你今日着成咁嘅
但係我呢套衫 明明就幾正常 着多件大褸姐🥲
佢哋以為我唔介意 其實我真係好介意你哋講咩
當我好認真咁同佢地講 佢哋又以為講笑
好攰 不過係典型青春期嘅問題🤣
好啦多謝你睇到呢度 有錯字唔好怪我🙏🏻
語音輸入大王✌🏿✌🏿
sorry for 1999