#NSS愛情
[guest] 話說小妹上年係IG到識咗個男仔 直到依家都有keep住日日傾計 但係開始覺得佢好煩
佢成日同我講佢做咩（例如操緊卷/打緊機..）但係我真係唔知點覆 成日都會覺得有啲尷尬
有次佢唔開心 就陪佢傾計 由凌晨兩點幾傾到朝早五點幾 問題係我嗰日仲要返學 但係唔想佢自己一個唔開心 就決定陪佢😭之後佢就話佢個心情好返好多 咁我都開心嘅 可以安慰到佢
隔幾日佢就話覺得好大壓力 唔知點算 我就一邊傾啲會令佢分心嘅話題 問可以點幫佢 佢就話其實感覺好咗好多 話同我傾計唔會有壓力 所以就比較會放鬆啲 跟著就開始日日都同我傾計🤭
問過啲frd意見 佢地話我同個男仔一定係曖昧關係 因為佢基本上係我send咩都會秒回 又講gm/gn呢啲 之後有個mutual frd同我講話個男仔鍾意我 但係我根本唔知俾咩反應 因為我都幾肯定自己未必會鍾意佢
個男仔無論條件或性格 差唔多乜嘢都好好 多才多藝咁 我唔想佢浪費時間係我到 而且我真係對佢日日message我呢樣嘢有啲反感 因為好煩 我自己都有嘢做 但佢成日text我 我又唔係經常得閒覆佢 搞到覺得自己好似好衰咁🥲
同埋我之前同佢出過兩次街 其中一次（第一次）係去睇戲 睇緊嘅時候 眼尾見到佢間唔中望著我 有幾次去到某啲比較恐怖嘅情節
佢個人有少少挨去我到 好似驚我驚咁（例如佢個人本身挨著右邊 變咗挨近左邊which is我坐嗰邊）
雖然咁講有啲矛盾 不過有種心動嘅感覺🤣
佢對著其他人都好有禮貌 開門嘅時候仲會幫我hold著對門呢啲好細嘅細節
搞到我好難直接唔覆佢message 覺得自己咁樣會好衰
簡單啲黎講：我只係想佢唔好咁煩 只係有朋友關係 而唔係曖昧關係 應該點做好 而且佢係嗰啲會overthink嘅人 好驚hurt到佢
請俾啲意見我可以點做🙆🏻♀️
sorry for 1999