#NSS個人
[Guest] 小妹今年form3, form2嘅時候已經確診有中度抑鬱，每次少少事就會覺得好煩, 唔開心。我本身自己就鍾意做運動，但係自從有抑鬱之後根本唔想做任何野，更加唔好講讀書，我成績基本上全部都係抄晒，其實我唔係無溫書，只係每次我溫嘅時候都會好容易分心，冇晒專注力。喺學校都冇乜朋友，已經冇晒交朋友嘅慾望。而且每晚都會失眠，瞓到半夜自然醒，之後已經瞓唔着，搞到第二朝都冇精神。
每次一做錯嘢就會覺得好自責，好自卑，好似全世界都冇人鍾意我咁，甚至每日都好想離開呢個世界…..
有時候我就突然之間好唔開心，成日都喺度喊，但係都唔知自己喺度喊乜嘢。好驚突然之間喺街上邊發作。我真係覺得好辛苦，我唔知道可以點樣面對呢個世界。
唔知大家有冇啲其他方法可以令自己更加快樂，更加愛呢個世界？