#NSS學校
[GUEST ] 【希望出到post 唔該admin】
話說我哋學校P5同班嘅會直落P6 我P6就一直同同一個男仔一齊坐咗半年 咁我性格就一直好靜 但幾好彩有幾個好好嘅朋友一齊玩
有一日放完break返課室 我班friend仲未返到課室 我發現自己張櫈俾人調轉放喺枱面 我隔離一直喺度笑 咁我就問邊個做啦 坐我附近全部都係男仔 個個都扮唔知 我前面嗰個就偷偷地同我講係我隔離整 但叫我唔好講出去 唔想我隔離位唔同佢做朋友…
跟住我就自己擺好張凳 跟住一直唔出聲 點知上緊堂我突然開始好靜咁喊 因為我唔知自己做錯咗咩同覺得自己好邊緣坐附近嘅冇諗過幫我 跟住我去咗告老師（其實幾後悔 我應該直接用粗口鬧佢先解氣 可惜我以前幾乖乖女）
嗰老師想冷處理 一直問我有冇證人冇嘅話就叫我算 話我隔離位淨係惡作劇 所以我同佢講咗邊個同我講 亦講咗我前面嗰個唔想出面做證人 點知個老師堅持叫我前面嗰個出去 咁我前面嗰個返嚟就話唔想因為我冇咗一個朋友 （我認講咗佢出去係我唔啱）件事就咁好潦草完咗
我今年已經中四 諗起呢件事 先覺得有少少俾人bully過嘅成分 唔好話我係咪都話bully 但我真係變到更加靜 好彩最後去到一間好好嘅中學 遇到一班好好嘅朋友 我都開朗好多
最後想講句 唔好做校園暴力裡面嘅旁觀者/加害者 你唔知受害者會記得幾耐 如果你覺得裡面嘅旁觀者/加害者好似係自己 我想同你講返句 你真係岸上嘅海鷗 太監讀神學（上網搵到㗎）